Cuir deireadh leis an mbrú faoi chois – agóid dlúthpháirtíochta

Beidh agóid ar siúl os comhair Ambasáid na Colóime i rith am lóin amárach, i ndlúthpháirtíocht leis na comhphobail dúchasacha, na ceardchummanaithe, agus aicme oibre na Colóime go forleathan, atá ag fulaingt mar gheall ar bhrú faoi chois foréigeanach stát na Colóime. Cuirfear litir agóide faoi bhráid na hAmbasáide maidir leis na dúnmharaithe agus na holl-ghabhálacha atá tar éis tarlú le gairid, i dteannta le fuadach agus ionsaí gnéasach na n-íospartach.